Tuesday, December 06, 2005

jesus loves me...

[anmerkung: erster versuch in meinem dialekt zu schreiben]

...es isch halb nüne am obad und mir gond d'tschick us, was an sich scho a halbe tragödie isch füran raucher. dussa pissts all no katza, wia scho da ganze tag, warm ischs oh ned wirklich, aber weils jo ned wiet isch zum tschickautomat, blieb i in minra jogging-hosa, züch mr mine jacka, schuah und kappa ah. mach min mp3-player grüscht - es lauft "ben harper&the innocent criminals - burn to shine" - gmüatlich. vorm schlüßa vu da tür nommol da übliche check, ob i da schlüssel in da täscha han, weil des isch mine gröschte paranoia sit i alloa inra wohnung wohn, dass i mi seal ussperr und da zwotschlüssel isch oh in da wohnung (i woass, isch minder schlau, abr najo). guat, denn lauf i do fürre zum automat, bewaffnet mit 3,50 € - i nimm da betrag immr genau mit (und mol mr denn us, wenn ma mi übrfallt, wia i afanga muass lacha, weil i nur des bitzle münz dabei han - oh a andere gschicht). beim automat ako, würf i zersch da 2er, denn da 1er und denn die 50 cent (sprich: zent - anscheinend) inne, druck uf die favorisierte tschickmarka (gauloises blondes - jetzt rouge, weil légères darf ma hüt numma si) und stell fescht, dass nix passiert. tja, des übliche klopfa gegs da automat bringt mi oh ned wietr - eh klar, war jo oh ned andersch zum erwarta. schicksal akzeptiert - omen verstanda: i sött ufhöra röcha - aber ned jetzt (!) (übliche usred).
beim zrucklaufa beobacht i a junge frau (wohrschinlich studentin), wia se ihre rot-wiess-rota vorhäng grad neu ufhängt, neu aordnat odr was oh immer und stell fescht, dass oh ihr zimmer wiess-rot gstricha isch - sie siaht mi, i mach mr bloss gedanka über patriotismus (österreich - fahne und so <--echt vielseitig des wort).
dahoam ako beschlüss i, dass i jetzt viellicht doch a andre hosa azüch, weil d'joggin-hosa doch scho so (i muassas ibaua) nass isch - gesagt, getan. jetzt bewaffnet mit fünf-euro-schein (rentiert sich immer no ned, mi zum übrfalla *hehe*). scho fascht bei da tür dussa, denk i mr, i sött viellicht a für (des muass i etz uf hochdütsch oh anneschrieba: "feuer") mitneh, weil zum nöxta automat ischas doch a "stückle" - es goht sich uf alle fälle us, ufam hoamweg an tschick zum röcha. da i aber ned mit da schuah durch dia ganze wohnung laufa will, nimm i zündhölzer us da kuche mit. vorm türschlüssa schlüsselcheck und scho wiedr dussa.
i stand jetzt also vor dem andra tschickautomat und will min fünfer innestecka, er will ean ned, reagiert ned amol. schön falten (mir kennand des jo) und nommol probiera und nommol und nommol. oha er zücht da schein inne.....und der schein kummt wiedr ussa (kenna ma oh). next try...schein verschwindet, kummt oh numma ussa. i schau ufd anzeige 0,00 € - ned scho wiedr (!). denn schau i genau in da einzugsschlitz fürd geldschie und siach, dassas da fünfer zemmgnuddlat (zusammengefaltet) hat und do irgendwia dinna steckt. jetzt woass i oh, warum i zündhölzer mitgnoh han. kurzerhand vu da zündholzschachtel a stuck karton abgrissa und da fünfer ussagfummelt (war ned ganz so einfach wia sichs ahört), aber hat funktioniert. nebad mir am nöxta automat verzwiefelt an andra süchtiga oh bim versuch an fünfer in an automat zum bringa, kriagt an aber immr wiedr zruck - i muass mittlerweile scho lutt lacha, i kanns mr numma verheba. anderer süchtiger tritt ab und i versuach mi bi deam automat - klappt alles wunderbar, wia sichs ghört.

jesus loves me...wollt mi vum röcha abheba und hat denn doch gmerkt, dassar mi des sealbr entschieda loh sött. so. des wars.

Comments: Post a Comment



<< Home

This page is powered by Blogger. Isn't yours?

Too Cool for Internet Explorer